يا عيون غزة"بالله لا تدمعي"/بقلم الشاعرة المبدعة نور محمد
يا عيون غزة" بالله لاتدمعي " مادام فينا
نفس اخبارنا رح تسمعي
منك اتعلمنا الوفا بالله عليك لا تحزني
بتتذكري لما قلتي لي بالمهد انا نذرتك
للبلد مثل الولد ومع جيشها يمه اتطوعي
احناانخلقنا للحرب وعد الله علينا انكتب
وطلب الشهادة غايتي ومطمعي
منك تعلمناالصبر والثبات بنموت وماننحني
بتتذكري كم مرة كفكفتي الدمع ونبض
العزةالكرامةجوا قلبي اقسمتي تزرعي
وكم مره قلتي انتوا الظهر وانتوا الولد
وانتوا الي ظهري يمه عليكم استند وما
عاد ظهري ينحني
وكم تحت القصف لملمتي اشلاء الأبرياء
وياما غسلتيها بالدمع
كنت اشوفك بساح الوغى بركان من نار
ولهب ع كل غاشم معتدي
معقول يمه :بعدك علينا بتقلقي واحنا
الجبابره العظام ترباية إيديك وارجالك
ال ما بتنحني
لو شفتي هدنا التعب والموت ع الجبين
انكتب لا تبكينا بالله يمه زغردي
رغم الوجع رغم الحزن رغم القصف رغم
العنف؛؛؛؛؛؛؛اقولك شي
انتي الشامه الي زينت خد العرب لا تنحني
أنتي العصية على الموساة بحرب وبليا حرب
وانتي شبح الموت الي على جيوش العدى
انكتب،،،،،،✍️نور محمد فلسطين
